Të dhënat e fundit tregojnë se numri i të shëruarve në Zvicër është rritur dukshëm kohën e fundit.
Deri më tani është bërë testimi i 458.993 personave nën dyshimin se mund të jenë të prekur nga koronavirusi.
Informacionet e fundit tregojnë se deri tani ka pasur 31,117 raste të konfirmuara, sipas raporteve nga kantonet – ndërsa 28,800 njerëz janë konfirmuar se janë shëruar plotësisht nga virusi, shkruan albinfo.ch.
Sipas autoriteteve shëndetësore zvicerane, thuhet se nga numri i përgjithshëm i të prekurve nga koronavirusi, çdo ditë e më shumë po rritet dukshëm, tani afër 30 mijë persona janë shëruar plotësisht në Zvicër, shkruajnë mediat zvicerane.
Duke qenë se shifra zyrtare, bazuar në numrin e personave që janë testuar, që në fillim ishin pozitivë në testin e bërë, dhe më pas janë rikuperuar, është ngritur, këtë e tregon edhe “Worldometers”, e cila publikon në kohë reale të dhëna nga koronavirusi.
Në Zvicër dhe Lihtenshtajn është raportuar brenda një dite për 23 infeksione të reja. Deri më tani, ka pasur 31.117 raste të konfirmuara nga laboratori Covid-19, siç njoftoi të dielën pasdite Zyra Federale e Shëndetit Publik (BAG) .
Nga ana tjetër, duhet theksuar se Zvicra është renditur e para në vendet më të sigurta në botë kundër koronavirusit.
