Xhiro e dytë e edicionit 2024-25 të Premier League vijon sot me disa ndeshje interesante.
Ndeshja hapëse e kësaj xhiro do të zhvillohet në stadiumin “Amex”, ku Brighton do ta presë Manchester United, me fillim nga ora 13:30, shkruan Sinjali Sporti.
Manchester United ka humbur 43% të takimeve të tyre në Premier League me Brighton (gjashtë nga 14), e cila është përqindja më e lartë e humbjeve kundër një kundërshtari të vetëm.
Kampioni Manchester City do të ketë punë në shtëpi me skuadrën e promovuar në ligë këtë sezon, Ipswich Town, në duelin që fillon nga ora 16:00.
Në po të njëjtin orar luan edhe Tottenham, ku do të jetë nikoqir i skuadrës së Everton.
E dita do të mbyllet me një super duel, që është ai mes Aston Villas dhe Arsenalit.
Kujtojmë që Aston Villa ishte ekipi i vetëm nga sezoni i kaluar që kompletoi ‘dopietën’ e fitoreve në ligë ndaj Arsenalit, duke ia marrë të gjashtë pikët e plota.
Skuadra e Mikel Artetës sigurisht se do të kërkojë një ‘hakmarrje’, veçanërisht duke e ditur se praktikisht e humbi titullin po nga Aston Villa, kur u mposht 2-0 në Emirates në ndeshjen e dytë.
Orari i të gjitha ndeshjeve sot:
13:30
Brighton – Man Utd
16:00
Man City – Ipswich
Crystal Palace – West Ham
Fulham – Leicester
Southampton – Nottingham
Tottenham – Everton
18:30
Aston Villa – Arsenal
