Kryeministri i Kosovës, Albin Kurti, ka shfrytëzuar të drejtën e tij të votës për zgjedhjet lokale që po mbahen sot.
Kurti tha se do të bashkëpunoj me kryetarët për fuqizimin e komunave, si dhe ka bërë thirrje qytetarëve të votojnë.
“Si qytetar i Republikës dhe si banor i kryeqytetit posa ushtrova të drejtën për të votuar në këto zgjedhje të lira e demkratike. Qytetarët sot vendosin së kush do të vendos. I inkurajoj të gjithë pa dallim prejardhje, përkatësie e pasurie që ta shfrytzojnë këtë moment barazie. Si kryeministër bashkë me Qeverinë do të punoj e bashkëpunoj në fuqizimin e komunave. Katër vite të mbara e të mira i presin qytetarët e Kosovës në të gjitha komunat”, tha Kurti para mediave.
