Një familje në Peru që mendonte se kishte blerë një qen, shpejt kuptoi se në duart e tyre ishte dorëzuar një dhelpër, pasi kjo filloi të sulmonte kafshët e tjera në zonë.
Familja Sotelos e blenë atë për 13 dollarë nga një dyqan i vogël duke besuar se ishte një qen, racë e pastër e llojit “husky”.
Pas një kohë, ata filluan të marrin ankesa nga fqinjët për të ashtuquajturin qenin e tyre, Run Run, shkruan BBC.
U bë e qartë se dhelpra u gabua për qen kur Run Run filloi të ndiqte derra, pula dhe rosa për t’i ngrënë. Kafsha më pas u zu nga autoritetet përkatëse. Run Run doli të jetë një dhelpër e llojin “Andean”, që ka këmbë të holla, bisht leshtor, kokë të mprehtë, e që është e ngjashme me ujqërit e çakejtë.
