Tragjedia e luftës në Kosovë: Identifikohet pas 26 vitesh dhe i jepet nesër lamtumira e fundit Vehbi Pajazit Halilajt
Mbetjet mortore të Vehbi Pajazit Halilajt, i cili ishte i zhdukur që nga lufta e vitit 1999, janë identifikuar dhe pritet të prehen më në fund në vendlindje.
Sot, në nderim të tij u bënë homazhe, ndërkaq nesër bëhet ceremonia e varrimit. Aktivitetet do të nisin në orën 10:00 në Malishevë, ku do të mbahet mbledhja komemorative. Më pas, homazhet do të zhvillohen nga ora 13:00 në shkollën fillore “Petro Nini Luarasi” në Llapqevë, ndërsa ceremonia e varrimit do të fillojë në orën 14:00.
Familja ka njoftuar se pamja dhe vizitat për të ndjerin do të zgjasin gjatë gjithë ditës.
Vehbi Pajazit Halilaj ishte i zhdukur që nga 4 prilli 1999, kur u rrëmbye nga forcat serbe në fshatin Kralan, komuna e Gjakovës.
Lavdi të rënëve për liri!
