Ministria e Financave, Punës dhe Transfereve ka njoftuar qytetarët se do të bëjnë subvencionimin e energjisë elektrike për familjet me asistencë sociale, familjet e dëshmorëve të UÇK-së, familjet e viktimave civile, familjet e të zhdukurve, invalidët e luftës, personat e verbër dhe për personat paraplegjikë dhe tetraplegjikë.
MFPT thotë se subvencionimi do të bëhet për vitin 2021
“Ministria e Financave, Punës dhe Transfereve njofton qytetarët se bazuar në Vendimin e Qeverisë 20/50 të datës 23.12.2021, subvencionimi i energjisë elektrike bëhet për kategoritë: Familjet me asistencë sociale; Familjet në Skemën e Ndihmës Sociale; Familjet e Dëshmorëve të UÇK-së; Familjet e Viktimave Civile; Familjet e të Zhdukurve; Invalidët e Luftës; Personat e Verbër; dhe Personat Paraplegjikë dhe Tetraplegjikë”, thuhet në njoftimin e MFPT-së.
Sipas tyre, subvencionimi do të bëhet për vitin 2021, edhe atë për aq muaj sa shfrytëzuesi ka përfituar nga skema/pensioni përkatës.
“Kategoritë e lartpërmendura nuk kanë nevojë të aplikojnë për të përfituar nga ky subvencionim”, përfundon njoftimi.
