Pas dekretimit të Ligjit për Rimëkëmbjen Ekonomike, Fondi i Kursimeve Pensionale i Kosovës ka dalë me një njoftim ku thonë se aplikimi për tërheqje të 10% do të bëhet vetëm online dhe përmes një faqeje të veçantë internet.
Ata thonë se nuk ka nevojë që tani të krijoni qasje në eTrusti. Adresa e faqes së veçantë të internetit për aplikim të tërheqjes 10% dhe detajet tjera do të publikohen ditëve në vijim.
Njoftimi i plotë:
Të nderuar kontribuues,
Tërheqja prej 10% është dekretuar sot, si pjesë e ligjit për rimëkëmbjen ekonomike.
Aplikimi për tërheqje të 10% do të bëhet vetëm ONLINE dhe përmes një faqeje të veçantë interneti.
Pra, nuk keni nevojë që tani të krijoni qasje në eTrusti.
Adresa e faqes së veçantë të internetit për aplikim të tërheqjes 10% dhe detajet tjera do të publikohen ditëve në vijim.
Për aplikim janë në dispozicion 4 muaj. Prandaj, mos u brengosni nëse nuk mund të aplikoni që në ditët e para pas dekretimit.
