Si pasojë e luftës në Ukrainë, kohët e fundit është vërejtur ngritje e çmimit të shumë produkteve bazike. Tani pritet që të rritet edhe çmimi i miellit e grurit për çka kanë reaguar edhe mullisët. Kreu i kësaj shoqate ka thënë se vendi do të përballet edhe me ngritjen e çmimit të bukës në nivel vendi.
Kryetari i Shoqatës së Mullisëve të Kosovës, Bashkim Zejnullahu, paralajmëron shtrenjtim të miellit edhe në Kosovë deri në 60 euro për 100 kg.
“100 kilogram ende jemi duke e shitur për 52. Këtë që po e shesim tash jemi tu e shit prej rezervave tona përndryshe importi ka hip shumë”, tha ai për RTK-në.
Zejnullahu paralajmëroi edhe për shtrenjtim të bukës deri në 50 cent në tërë vendin.
Në vend janë shtrenjtuar edhe karburantet, si dhe shumë produkte të tjera bazike si sheqeri e vaji.
