Kandidati për deputet nga Lidhja Demokratike e Kosovës (LDK), Shkëmb Manaj, ka zhvilluar një sërë takimesh me qytetarë dhe përfaqësues të bizneseve në qendër të Istogut, ku ka theksuar rolin e tyre kyç në zhvillimin ekonomik të vendit.
Në një mesazh përkrahës për njerëzit punëtorë dhe të ndershëm të këtij komuniteti, Manaj theksoi përkushtimin e tyre ndaj familjes dhe vendit, duke theksuar mbështetjen e tyre për ndryshimin që LDK synon të sjellë.
“Këta njerëz të ndershëm dhe punëtorë janë në funksion të zhvillimit ekonomik të vendit. Ata e duan familjen, e duan Kosovën, prandaj janë bashkuar me ne për ndryshim!” u shpreh Manaj.
Ai e cilësoi votën në këto zgjedhje si shumë më tepër se një përzgjedhje, duke e konsideruar atë një zë për drejtësi, dinjitet, zhvillim dhe ndryshim të vërtetë.
“Faleminderit nga zemra për mbështetjen e fuqishme!” përfundoi ai, duke bërë thirrje për të votuar për vizionin e tij dhe të LDK-së.
