Rritja e numrit të të infektuarve dhe shtimi i viktimave si pasojë e virusit COVID-19, bëri që udhëheqësit e institucioneve të vendit të marrin disa vendime të reja.
Si pasojë e numrit të madh të infektimeve edhe Klinika Infektive në QKUK u stërngarkua, duke shkaktuar kështu edhe vështirësi në realizimin e punës të ekipeve mjekësore.
Madje kohëve të fundit pati edhe vonesa të rezultateve, e personat të cilët testoheshin për të ditur nëse janë të repkur nga ky virus pritën disa ditë deri në marrjen e rezultateve.
Kryeministri i Kosovës, Avdullah Hoti u deklarua sot para qytetarëve në një konferencë për media ku bëri të ditura edhe disa nga vendimet e reja lidhur me parandalimin e përhapjes së këtij virusi.
Ai ndër të tjerash tha se java e ardhshme do të bëhet licensimi për testim të koronavirusit edhe në institucionet private. Deri më tani testimi në klinika private për COVID-19 ishte i ndaluar.
Brenda javës do t’i licensojmë institucionet private shëndetësore për të kryer teste virologjike”,tha Hoti, transmeton Indeksonline.
Poashtu ai tha se do të fillojnë procedurat për blerjen e 100 mijë testeve virologjike, ku theksoi se rritja e numrit të testimeve në nivel vendi është mese e nevojshme.
“Do të punojmë që të krijojmë kapacitet të reja testuese nëpër regjione”, potencoi tutje Hoti.
