Kryetari i Klinës Zenun Elezaj ka dhënë një lajm të mirë. Ai përmes një postimi në FB ka thënë se edhe këtë vit janë përfitues të Grantit të Përfomancës Komunale, ku vlerësimi i 27 treguesve të matshëm ka sjellë një rezultat të mirë për Klinën, duke konfirmuar suksesin dhe efikasitetin e administratës sonë.
Kjo sipas Elezajt vjen nga puna e mirë që kanë bërë në nivel lokal gjatë viteve të fundit, transparenca e llogaridhënia.
“Me këtë grant, në vlerë prej 378 000 euro, do të realizojmë projekte të rëndësishme të investimeve në infrastrukturë, të cilat do të kenë ndikim të drejtpërdrejtë në përmirësimin e jetës së qytetarëve tanë”, ka shkruar Elezaj.
Projektet që do të realizohen janë:
1 . Ndërtimi i segmenteve të rrugës Malë Bashota, Bekim Fehmiu, Shaban Sadiku, Heronjtë e Kombit dhe infrastrukturës nëntokësore në Klinë-Dersnik-Dollc,
2.Zgjerimi i rrjetit të ndriçimit publik në Klinë,
3. Ndërtimi i kanalizimit në Shtupel-Kerrnicë-Binxhë-Grabc,
4.Ndërtimi i rrethojave të varrezave në fshatra,
5. Ndërtimi i infrastrukturës nëntokësore dhe mbitokësore në Gllarevë-Rixhevë-Stapanicë-Zabergjë
6.Blerja e një autoambulance për QKMF-në.
Në fund Elezaj për këtë ka falënderuar zyrtarët komunal për profesionalizmin dhe punën e palodhur.
Derisa ka shtuar se procedurat për fillimin e projekteve do të fillojnë shumë shpejt, ndërsa realizimi i punimeve do të fillojë gjatë këtij viti.
