Skuadra e Dukagjinit nga Klina do të ballafaqohet me ekipin nga Kroacia, Rijeka.
Dukagjini dhe Rijeka do të takohen sot nga ora 20:00 në stadiumin “Fadil Vokrri” në Prishtinë.
Presidenti i klubit të Dukagjinit, Fabian Veseli theksoi se skuadra e tij është maksimalisht e përgatitur për këtë duel dhe do të tenojnë kalimin tutje në raundin e tretë kualifikues.
“Po presim një angazhim maksimal dhe një ndeshje mjaft të fortë, pavarësisht se kundërshtari duket mjaft i fortë ne mendojmë se do e kalojmë edhe këtë kundershtar duke parë ndeshjen e kaluar në Gjibraltar”, tha fillimisht Veseli për ‘GazetaBlic Sport’.
Më pas i pari i Dukagjinit u shpreh tejet i lumtur me punën dhe përkushtimin e lojtarëve dhe stafit të trajnerëve.
“Ekipa është mirë e përgatitur, jemi shumë të kënaqur me lojtarët dhe stafin e trajnerëve, po punojnë shumë dhe shpresojmë që me sukses te ia dalim”, përfundoi ai.
Kujtojmë se Dukagjini në raundin e parë kualifikues të Conference League fitoi ndaj FC Europa, fillimisht në Prishtinë me rezultatin 2-1, e më pas edhe në Gjilbratar me rezultatin 2-3.
