Policia e Kosovës po vazhdon aktivitetet në nivel vendi për zbatimin e masave të reja anti-COVID të vendosura nga Qeveria.
Në një postim në Facebook, PK-ja ka theksuar se këto kontrolle po bëhen me qëllim të ruajtjes së vendit dhe sigurisë publike.
“Policia e Kosovës vazhdon me aktivitete policore në nivel vendi. Aktivitetet dhe kontrollet policore po vazhdojnë të realizohen në nivel vendi, me qëllim të ruajtjes së rendit dhe sigurisë publike, sigurisë në trafik si dhe zbatimit të masave ndaj pandemisë COVID 19”, thuhet në njoftimin e PK-së./
