Policia e Kosovës ka njoftuar se sot është duke zhvilluar opracion në veri të Kosovës, në pesë lokacione të tri komunave, duke kryer bastisje.
Sipas Policisë, Këto operacione janë duke u zhvilluar lidhur me ngjarjet e fundit të ndodhura në fshatin Banjskë, pas sulmit terrorist të 24 shtatorit.
Njoftimi i plotë:
Sot, me datën 29.09.2023 Policia e Kosovës është duke zbatuar urdhëresën e gjykatës kompetente për kontrolle, në pesë lokacione në tri komunat në veri të Kosovës. Këto operacione janë duke u zhvilluar lidhur me ngjarjet e fundit të ndodhura në fshatin Banjskë.
Operacioni policor është duke vazhduar nga njësitet relevante të Policisë së Kosovës, me prezencën në vend ngjarje të Prokurorit (të PSRK-së). Me këtë rast Policia e Kosovës njofton qytetarët se nuk kanë nevojë për ndonjë shqetësim.
Këto urdhër kontrolle, janë duke u zbatuar në koordinim me EULEX dhe KFOR.
