Kryetari i Nismës Socialdemokrate, Fatmir Limaj ka folur për situatën aktuale në vend pas përhapjes së koronavirusit, duke treguar specifikisht edhe për Komunën e Malishevës, që ka më së shumti të prekur me COVID 19.
Limaj ka treguar në emisionin Frontal në T7 se si erdhi deri te përhapja e koronavirusit në fshatin Banjë të Malishevës.
Ai thotë se sipas informacioneve që ka, personi i parë i prekur me koronavirus ka qenë shitës i një marketi.
“Sipas informacioneve i prekur ka qenë një shitës i një marketi. Ai nuk e dinte që ka. Ekspozimi i tij me njërëz ka qenë shumë i madh sidomos në atë kohë kur ka qenë një kërkesë për të blerë produkte ushqimore”, ka thënë Limaj në Frontal
