Të dielën që lamë pas, një i ri nga Malisheva u raportua si i zhdukur.
Familjarët e 28 vjeçarit nga fshati Rud iu drejtuan Policisë së Kosovës për të kërkuar ndihmë për gjetjen e djalit të tyre.
Për zhdukjen e Jetmir Rudit, raportuan edhe mediat, por që për fat të mirë, i njëjti u gjet po nga familjarët, madje jo larg shtëpisë.
Por, zhdukja e tij, solli edhe mjaftë dyshime, pasi që pak para gjetjes së tij, në rrjete sociale qarkulluan disa imazhe, ku shihej i njëjti i lidhur dhe gjysmë i zhveshur në një vend malor. Madje u përfol se rrëmbimi ishte i inskenuar nga vet ai, çka se hetimet po vazhdojnë.
Ndërsa, një television lokal, ka publikuar pamje, ku tregohet se 28 vjeçari një ditë pasi u gjet, bëri dasmë.
Ai shihet madje duke kërcyer me nusën e tij.
