Ndërsa i gjithë globi po ballafaqohet me pandeminë Coronavirus, në Kosovë ende nuk është shfaqur asnjë rast me infeksion të tillë.
Por në Qendrën Klinike të Mjekësisë Familjare në Gjakovë, duket se stafi nuk ka ndonjë shqetësim, ani se aty shkojnë për vizitë pacientë me probleme të ndryshme shëndetësore.
Një video e cila ka arritur në adresë të Klan Kosovës, tregon se si një pacient ka regjistruar momente befasuese ndërsa kishte shkuar në QKMF për analiza.
Në kushte anonimiteti, pacienti tha se po priste rezultatet e analizave, derisa siç dëgjohet në video, motrat medicinale shoqërohen me muzikë derisa edhe dëgjohen duke kënduar këngë të një këngëtari kosovar.
