Presidentja e Kosovës Vjosa Osmani tha se Kosova i ka të gatshme të gjitha institucionet e sigurisë që të mbrojnë çdo cep të territorit të saj në rast nevoje.
Në pyetjen e bërë në intervistë në Klan Kosova nëse FSK do të lejohej të intervenojë në veri, duke u bazuar në një marrëveshje mes KFOR-it dhe Qeverisë së Kosovës, presidentja Osmani tha se FSK ka mandat kushtetues dhe ligjor të veprojë jo vetëm në pjesë tjera të Kosovës, por edhe në veri të vendit.
Në një intervistë në Rubikon në Klan Kosova Osmani tha se kjo është obligim ligjor i FSK në bazë të mandatit dhe Kushtetutës së Kosovës.
Sipas presidentes, FSK ka kapacitete njerëzore dhe ushtarake që ta bëjë një gjë të tillë.
