Ambasadori italian në Kosovë, Nicola Orlando, ka uruar Lëvizjen Vetëvendosje për fitoren në zgjedhjet e së dielës dhe popullin e Kosovës për procesin e suksesshëm zgjedhor, shkruan Gazeta Sinjali.
Kështu u shpreh Orlando përmes një postimi në llogarinë e tij në Twitter gjersa shtoi se po presin formimin e Qeverisë në kohë dhe zgjedhjen e Presidentit.
“Populli foli! Sipas rezultateve paraprake, uroj Lëvizjen VETËVENDOSJE!, Albin Kurtin, Vjosa Osmanin dhe popullin e Kosovës për procesin e suksesshëm zgjedhor. Secili fiton kur demokracia lulëzon.”
“Presim formimin e Qeverisë në kohë dhe zgjedhjen e Presidentit”, tha ai.
