Ish-banorja e Big Brother VIP Kosova, Kader Kicaj, ka shkaktuar reagime dhe spekulime në rrjetet sociale pas një videoje të publikuar para pak minutash në profilin e saj në TikTok.
Ajo u shfaq me një unazë diamanti në gishtin e fejesës, duke nxitur kureshtjen e fansave për një fejesë të mundshme. Komentet e ndjekësve shpërthyen me pyetje nëse Kaderi ka vendosur t’i japë fund beqarisë, por deri tani ajo nuk ka konfirmuar asgjë.
Mbetet e paqartë nëse videoja lidhet me një moment të veçantë personal, një set fotografik, apo një bashkëpunim komercial ku unaza është përdorur për qëllime reklame.
Fansat e saj janë në pritje të një sqarimi nga Kaderi, ndërsa videoja po vazhdon të marrë mijëra shikime dhe komente në rrjet.
