Një person ka tentuar tu ikë policëve në Deçan. Ngjarja ka ndodhur pasditen e sotme ndërsa menjëherë ka ardhur reagimi i zyrtarëve policor.
Burimet e IndeksOnline kanë thënë se i dyshuari në tentim ikje ua ka dërguar armën e zjarrit policëve mirëpo për fat nuk është shkrepur ajo.
Pas një aksioni profesional të zhvilluar nga policia, është arrestuar i dyshuari nga Isniqi dhe i njëjti me urdhër të prokurorit të rastit është dërguar në qendrën e mbajtjes.
Mësohet po ashtu se i arrestuari është emër i njohur për autoritetet e rendit në këtë rajon.
