Sot ka ndërruar jetë, veterani i UÇK-së, Nehat Shala.
Lajmin e ka dhënë kryetari i komunës së Drenasit, Ramis Lladrovci përmes një postimi në Facebook.
Ky është postimi:
Lajm i trishtueshëm, sot u nda nga radhët tona si pasojë e sulmit në zemër, veterani i UÇK-së, kolegu e miku ynë nga Kishnareka, Nehat Shala.
Nehat Shala, ishte pjesë e Brigadës 138 “Agim Ramadani”, duke marrë pjesë në betejat e lavdishme të kësaj brigade.
Ai ishte i dashur, i sinqertë dhe shumë i vendosur për bindjet e veta, duke dëshmuar kulturë e disiplinë në punë edhe sa ishte pjesë e administratës në Komunën e Drenasit.
Ngushëllime familjes, bashkëluftëtarëve dhe miqve!
I përjetshëm do të jetë kujtimi për Nehat Shalën!
