Ambasadori i Serbisë në Shtetet e Bashkuara të Amerikës, Marko Gjuriq, është takuar me presidentin e Amerikës, Joe Biden, në Shtëpinë e Bardhë, në një kohë kur bota po vlon nga zhvillimet pas agresionit rus në Ukrainë. Njoftimin për këtë takim e ka dhënë vetë Gjuriq përmes një njoftimi në “twitter”.
“Pas një takimi dhe bisede të shkurtër me Presidentin Biden këtë javë, pata gjithashtu nderin të nënshkruaj në Librin zyrtar të Vizitorëve të Shtëpisë së Bardhë”, ka shkruar Gjuriq
Ish-kreu i të ashtuquajturës Zyra për Kosovën në Qeverinë e Serbisë tutje teksa ka njoftuar për takimin ka pretenduar se raportet e Serbisë me SHBA-të viteve të fundit kanë avancuar.
“Ne e vlerësojmë shumë këtë gjest respekti për Serbinë dhe marrëdhëniet tona 140-vjeçare, të cilat vitet e fundit kanë parë një trend të vazhdueshëm rritjeje në shumë fusha”, ka shtuar Gjuriq.
Након краћег сусрета и разговора са @POTUS ове седмице, имао сам част и да се упишем у званичну Књигу гостију Беле куће.
Високо ценимо овај гест поштовања према Србији и нашим 140 година дугим односима који последњих година бележе континуирани тренд раста у бројним областима. pic.twitter.com/FdJ5XGltt6— Марко Ђурић (@markodjuric) April 9, 2022
