Aktualisht në Spitalin e Përgjithshëm në Pejë, janë duke u trajtuar 70 pacientë me COVID-19. Nga këta pacientë 59 të konfirmuar dhe 11 në pritje të rezultateve.
Sipas njoftimit, nga pacientët e shtrirë 20 janë me oksigjenoterapi, 6 pacientë janë në gjendje më të rëndë ndërsa pacientët e tjerë janë në gjendje më stabile,
Po ashtu nga personeli i Spitalit 5 mjek, 7 infermierë dhe 2 bioinxhinjer janë të infektuar me COVID-19.
Gjithashtu, Spitali i Përgjithshëm i Pejës bën të ditur se gjatë 24 orët e fundit kanë qenë 9 lindje, 6 lindje kanë qenë normale dhe 3 me prerje cezariane.
“Kanë lindur 9 foshnje dhe të gjitha foshnjet janë të gjinisë femërore”, thuhet në njoftim.
Në njoftimin e bërë nga Spitali i Përgjithshëm po ashtu bëhet e ditur se 186 pacientë kanë marrë trajtim emergjent shëndetësorë.
“Nga këta 22 pacientë janë shtrirë për trajtim të mëtutjeshëm. Gjatë 27 orëve të fundit në Spitalin e Përgjithshëm në Pejë janë kryer 8 operacione, ndërsa 213 pacientë kanë kryer analiza, që në total kanë bërë 2,752 analiza’, përfundon njoftimi. /
