Momenti kur qëllohet me armë ish-kryeministri japonez, sulmuesi kapet menjëherë

Ish-kryeministri japonez Shinzo Abe u qëllua dy herë me armë zjarri derisa ishte duke mbajtur një fjalim në një fushatë zgjedhore.

Plumbi i dytë e qëlloi atë në shpinë dhe e bëri të rrëzohej në tokë. Personi që dyshohet se shtiu mbi të u kap menjëherë në vend të ngjarjes.

Nga tubimi zgjedhor në mediat sociale u publikuan video që shfaqin momentin kritik të sulmit, si dhe arrestimin e menjëhershëm të të dyshuarit.

Zëdhënësi i kabinetit tha se Abe ishte në gjendje arresti kardiopulmonar. Ky term përdoret shpesh në Japoni përpara se një vdekje të konfirmohet zyrtarisht.

Sulmi ndaj ish-kryeministrit më jetëgjatë japonez në pushtet nxiti shumë reagime në mbarë botën që dënuan aktin.