Në komunën e Prizrenit përfundoi një projekt i Bashkëpunimit Civil dhe Ushtarak (CIMIC) i Komandës së KFOR-it, ku ushtarët italianë të Komandës Rajonale Perëndim (RC-W) me bazë në Regjimentin e Parë të Bersaglieri, i dhuruan materiale të ndryshme amplifikuese shkollës fillore të ketij komuniteti.
Në ceremoninë e dorëzimit ishin të pranishme autoritetet civile dhe ushtarake, mes të cileve komandanti i Komandës Rajonale Perëndimore, kolonel Francesco Ferrara, së bashku me përfaqësuesin e CIMIC të KFOR-it dhe drejtorin e shkollës “Zambaku” në komunën e Prizrenit.
Projekti, i lindur nga bashkëpunimi i frytshëm i celulës së CIMIC të KFOR-it dhe drejtorit të shkollës Lulzim Drini synon të forcojë procesin mësimor për fëmijët, duke i pajisur strukturat e shkollave me teknologji moderne që u përgjigjen nevojave të popullatës në këtë fushë.
Donacioni është pjesë e aktiviteteve të shumta për të mbështetur zhvillimin e institucioneve vendore që KFOR-i dhe kontingjenti italian i kryejnë në baza gjashtëmujore.
Kontingjenti italian i Forcës së Kosovës (KFOR), në përputhje me rezolutën 1244 të Këshillit të Sigurimit të Kombeve të Bashkuara të vitit 1999, kontribuon në ruajtjen e një mjedisi të mbrojtur dhe të sigurt, si dhe lirinë e lëvizjes për të gjitha komunitetet që jetojnë në Kosovë, në të njëjtën kohë duke promovuar aktivitete të dobishme nën drejtimin e Komandës Operative të Forcave të Bashkuara.
