Lionel Messi e ka “pushtuar tashmë futbollin amerikan.
Ylli argjentinas ka qenë përsëri protagonist tek Inter Miami.
36 vjeçari e inspiroi ekipin e tij me një tjetër dygolësh, në fitoren 3:1 ndaj Orlando Cityt, në ndeshjen e play-offit në Kupën e Ligës.
Shtatë herë fituesi i Topit të Artë realizoi në secilën pjesë nga një herë, ndërsa penalltinë ia la shokut të skuadrës, Martinez, duke hequr dorë kështu nga një “hat-trick” eventual.
Kampioni i botës i ka realizuar 5 gola në 3 ndeshje prej se u transferua në Shtetet e Bashkuara të Amerikës, duke i mahnitur të gjithë me performancat e tij.
Ndeshjen e radhës Inter Miami në Kupën e Ligës do ta zhvillojë të dielën kundër Dallasit.
