Ministrja në detyrë e Ministrisë së Punëve të Jashtme dhe Diasporës Meliza Haradinaj-Stbulla, ka dhënë sot dorëheqje nga të gjitha pozitat duke përfshi këtu edhe nga të gjitha funksionet në partinë Aleanca për Ardhmërinë e Kosovës, dhe nga anëtarësia, shkruan Insajderi.
Këtë e ka bërë të ditur Haradinaj-Stublla përmes një shkrimi në Facebook, ndërsa kjo dorëheqje vjen pas skandalit të shfaqur në video-incizimet e publikuara nga Gazeta Insajderi, ku burri i saj Dardan Stublla, ka korruptuar komisionerët në QNR, për t’i siguruar ulëse në kuvend gruas së tij.
“Edhe pse në rrethana ende të pasqaruara, e ndodhur në mes të një skeme piramidale të njollosjes, linqimit, presionit, manipulimit dhe shantazhit ndaj meje dhe familjes sime, e konsideroj obligim moral dhe gjënë më të drejtë, dorëheqjen e menjëhershme nga pozita e Ministres së Punëve të Jashtme dhe Diasporës, nga të gjitha funksionet në partinë Aleanca për Ardhmërinë e Kosovës, dhe nga anëtarësia”, ka shkruar ajo.
Kujtojmë se në këtë video ekskluzive të siguruar nga Gazeta Online Insajderi, zbulohet se si afaristi Dardan Stublla, ka blerë me para katër komisionerë të cilët ua kanë vjedhur votat kandidatëve tjerë të Aleancës për Ardhmërinë e Kosovës, dhe ia kanë regjistruar Meliza Haradinajt-Stublla
