Deputeti i Lëvizjes Vetëvendosje, Mefail Bajqinovci, ka komentuar me ironi fjalimin e fundit të Ramush Haradinajt në foltoren e Kuvendit të Kosovës, shkruan Klina.info.
Sipas Bajqinovcit, Haradinaj ka mbajtur sot një nga fjalimet e tij të fundit si deputet, duke nënkuptuar se pas datës 9 shkurt, ai nuk do të jetë më pjesë e Kuvendit.
“Ramushi sot mbajti fjalim, me gjasë për herë të fundit, në foltoren e Kuvendit. Deri më 9 shkurt nuk besoj që ka më seanca tjera plenare. E pas 9 shkurtit ai e din që nuk do të jetë më pjesë e Kuvendit,” ka shkruar Bajqinovci në një postim.
Ky qëndrim vjen në një kohë kur skena politike në Kosovë është në përballje të reja dhe tensione mes partive, ndërsa kjo deklaratë e Bajqinovcit lë të kuptohet për një fazë të re në raportet brenda Kuvendit pas kësaj date.
Mbetet të shihet nëse ky do të jetë me të vërtetë fjalimi i fundit i Haradinajt apo nëse situata politike do të sjellë zhvillime të tjera të papritura.
