Mefail Bajqinovci, kandidat për deputet nga Lëvizja Vetëvendosje, ka njoftuar në Facebook se sigurimi fizik i është kthyer Korporatës Energjetike të Kosovës (KEK), duke uruar për këtë zhvillim.
Më parë, ai kishte ngritur shqetësime për diskriminimin e rreth 450 punëtorëve të sigurimit fizik në objektet e KEK-ut nga menaxhmenti i korporatës dhe kompania private e sigurimit.
Bajqinovci kishte publikuar dokumente që tregonin shkelje ligjore në këtë proces dhe kishte premtuar se mbrojtja e të drejtave të punëtorëve do të ishte prioritet në programin e Lëvizjes Vetëvendosje. 
