Me rastin e 4 Prillit, Ditës së të Zhdukurve të Luftës në Komunën e Klinës, organizohet Akademia Përkujtimore dhe ceremonia e varrimit të martirëve: Sheremet Ismaili, Mentor Myrtaj, Adem Gashi, Sahit Gashi, Bekim Hasani, Osman Fejza,Shkëlzen Hajdaraj dhe Bekim Gashi
Kjo ngjarje e dhimbshme përkujton sakrificën e martirëve dhe nderon kujtimin e tyre në një ceremoni të organizuar nga Komuna e Klinës.
Agjenda e Aktiviteteve Përkujtimore
09:00 – Homazhe te pllaka përkujtimore në Klinë
09:40 – Homazhe dhe vendosje lulesh te pllaka përkujtimore në Kralan
10:20 – Homazhe dhe vendosje lulesh në Pastasellë
10:30 – Homazhe dhe vendosje lulesh në Izbicë
12:00 – Homazhe pranë arkivoleve në Sallën e Sportit “Adem Jashari”
13:00 – Akademi Përkujtimore në Sallën e Sportit “Adem Jashari”
14:30 – Ceremonia e varrimit në Kompleksin Memorial “Kodra e Kuqe”, Grabanicë
16:30 – Ceremonia e varrimit të martirit Mentor Myrtaj në Jashanicë
Ky përkujtim është një mundësi për të nderuar të rënët dhe për të mos harruar sakrificën e tyre për lirinë dhe dinjitetin e popullit tonë.
Komuna e Klinës fton të gjithë qytetarët të marrin pjesë në këtë ditë përkujtimore dhe të ndajnë dhimbjen e 4 Prillit me familjet e martirëve.
