Mbrëmë në ndeshjen e xhiros së dytë të Ligës së Kampionëve në stadiumin Montjuic të Katalonjës, Barcelona arriti fitore 5:0 ndaj Young Boys dhe dy gola i shënoi Robert Lewandowski.
Lewandowski ishte shënuesi i golit të parë dhe të katërt në këtë ndeshje, dhe kështu ai arriti të arrijë një sukses që vetëm Cristiano Ronaldo e ka arritur në Ligën e Kampionëve.
Domethënë, pas Ronaldos, Lewandowski u bë futbollisti i dytë që pas moshës 30 vjeçare ka arritur të shënojë 50 e më shumë gola në Ligën e Kampionëve, kompeticionin më elitar të klubeve në botë.
Me dy gola mbrëmë, Lewandowski ka arritur shifrën prej 50 golave pas ditëlindjes së tij të 30-të, ndërsa Ronaldo ka 68 në llogarinë e tij.
Meqë ra fjala, Lewandowski ka gjithsej 96 gola të shënuar në Ligën e Kampionëve, ndërsa të parën e shënoi me fanellën e Borussia Dortmundit në vitin 2011, kur milionerët u mundën 3:1 si mysafir në Olympiakos. /Telegrafi/
