Leo, banori i Big Brother VIP Kosova ka prekur zemrat e publikut me një letër emocionuese dedikuar Leles, ish-banoren dhe mbështetësen e tij më të madhe.
Në letrën e ndarë nga Lela për ndjekësit e saj në Instagram, Leo i shpreh mirënjohje për përkushtimin e saj dhe e falënderon që ka qenë pranë tij gjatë gjithë këtij rrugëtimi të vështirë, shkruan Raporto24.
Ai përmend se Lela ka qenë burim frymëzimi dhe motivimi për të që të vazhdojë përpara, pavarësisht sfidave që ka përballuar brenda shtëpisë më të famshme në Kosovë.
Lela, e emocionuar nga letra, e ka shoqëruar postimin me fjalë mirënjohjeje për mbështetjen e fansave dhe thirrjen që të votojnë për Leon, duke e cilësuar atë si një person të veçantë që meriton të shkojë deri në fund.
“Tash veç GO LEO! Ti e meriton fitoren,” përfundon Lela, duke falënderuar publikun për përkrahjen e deritanishme dhe duke bërë thirrje për të bashkuar forcat drejt finales.
Ky gjest ka emocionuar ndjekësit, të cilët kanë shpërthyer me komente pozitive në rrjetet sociale, duke premtuar mbështetje maksimale për Leon në rrugën drejt fitores.
