Kandidati për deputet nga AAK, Lahi Brahimaj, ka ndarë një moment të veçantë gjatë një vizite në fshatin Zhabël. Ai është takuar me djemtë e mikut të tij të dikurshëm të luftës, Lan Zeka, të cilët sot janë shembull i punës dhe suksesit në Gjermani, shkruan Klina.info.
“Dikur me Lan Zekën ishim në ballë të betejave. Sot me djemtë e tij po e shijojmë ndejën në ballë të oxhakut,” tha Brahimaj, duke kujtuar idealin e përbashkët për lirinë që sot gëzohet nga brezat e rinj.
Brahimaj shfrytëzoi rastin të urojë të gjithë mërgimtarët që kanë ardhur për pushime në vendlindje, duke theksuar rëndësinë e lidhjeve me rrënjët e tyre.
“Uroj që të gjithë mërgimtarët të kalojnë pushime të këndshme në vendlindjen e tyre,” përfundoi ai.
