Kryeministri i Kosovës, Albin Kurti, gjatë Forumit të Bledit është takuar me Michael Carpenter, ambasadorin e Shteteve të Bashkuara të Amerikës në OSBE.
Me të Kurti ka folur për situatën në Veriun e Kosovës, si dhe zbatimin e marrëveshjes themelore.
Po ashtu, Kurti ka përmendur se kanë ulur praninë e policisë në Veri dhe gjatë dy muajve të fundit nuk ka pasur asnjë incident.
”Diskutuan çështjet aktuale dhe dialogun për zbatimin e Marrëveshjes Themelore. Pa asnjë incident në 2+ muaj dhe me ulje të pranisë së policisë, tani kemi një situatë të de-përshkallëzuar ku ripërshkallëzimi duhet të parandalohet“, ka shkruar Kurti në Twitter.
Kreu i ekzekutivit kosovar ka zhvilluar në sërë takimesh në Slloveni.
Ai gjatë ditës së djeshme, ka pasur një debat me kryeministren serbe, Ana Bërnabiq, të cilës i tha se Serbia nuk është distancuar nga Millosheviqi e Putini.
