Kryetari i komunës së Klinës Zenun Elezaj, me rastin e fillimit të Festës së Fitër Bajramit ka uruar besimtarët islam të komunës së Klinës dhe në mbarë globin.
Urimin, kreu i komunës, e ka ndarë në faqen zyrtare të tij në rrjetin social facebook.
URIME FESTA E FITËR BAJRAMIT!
Të nderuar qytetarë të besimit Islam,
Pas muajit të shenjtë të Ramazanit, muajit të agjërimit, sakrificës, durimit e solidarizimit me të tjerët, besimtarët myslimanë, sot festojmë Fitër Bajramin.
Përveç kësaj, këtë vit si asnjëherë më parë, ka qenë e domosdoshme vetëpërmbajtja dhe disiplina në mënyrë që të parandalohet përhapja e virusit.
Në emrin tim dhe të komunës së Klinës, duke ju dëshiruar agjërim të pranuar ua uroj festën e Fitër Bajramit, të gjithë qytetarëve të komunës së Klinës!
