Sot, më datën 27.12.2024, Ndërmarrja Publike KRM “Ambienti” Sh.A. në Klinë, nën drejtimin e Kryeshefit Ekzekutiv, z. Diedon Berisha,dhe Drejtorit të Njësisë, z. Idriz Beqiri, organizoi një ceremoni të veçantë për shpërndarjen e certifikatave të falënderimit për të gjithë punonjësit e saj.
Kjo iniciativë u ndërmor si shenjë vlerësimi dhe respekti për punën e palodhshme, përkushtimin dhe profesionalizmin që punonjësit kanë treguar gjatë gjithë vitit. Certifikatat simbolizojnë falënderimin e ndërmarrjes për rolin e pazëvendësueshëm që ata luajnë në përmbushjen e misionit të KRM “Ambienti” Sh.A., duke kontribuar në përmirësimin e cilësisë së shërbimeve dhe zhvillimin e komunitetit.
Në fjalën e tij, Kryeshefi Ekzekutiv, z. Diedon Berisha, shprehu falënderimin e tij të sinqertë për angazhimin e vazhdueshëm të të gjithë stafit, duke theksuar se rezultatet dhe sukseset e ndërmarrjes janë pasqyrë e drejtpërdrejtë e përkushtimit të tyre. Nga ana tjetër, z. Idriz Beqiri, Drejtori i Njësisë, theksoi rëndësinë e bashkëpunimit dhe ekipit, duke u shprehur se çdo punonjës është një hallkë thelbësore në këtë zinxhir të suksesit.
Ky moment ishte jo vetëm një reflektim i falënderimit për punonjësit, por edhe një nxitje për të vazhduar me të njëjtin entuziazëm dhe përkushtim, duke treguar se puna e mirë gjithmonë vlerësohet dhe shpërblehet.
Ndërmarrja shpreh falënderimet më të thella për të gjithë punonjësit, të cilët me profesionalizëm dhe përkushtim të jashtëzakonshëm kontribuojnë për të realizuar objektivat e saj dhe për të ndërtuar një të ardhme më të mirë për komunitetin.
Me respekt,
Zyra për Media dhe Marrëdhënie me Publikun
Ndërmarrja Publike KRM “Ambienti” Sh.A.
