Agjencia e Ushqimit dhe Veterinarisë së bashku me Policinë e Kosovës kanë kryer një aksion në disa kompani, pas informative që kanë marrë se janë duke u kryer veprime të kundërligjshme.
Zëdhënësi i AUV-, Lamir Thaçi për teve1.info ka thënë se inspektimi është bërë në dy lokacione në regjionin e Mitrovicës, dy lokacione në regjionin e Prishtinës dhe një lokacion në regjionin e Pejës.
“Është organizuar një aksion i përbashkët kontrolli AUV-Polici, pas pranimit të informatës, se në disa kompani qe si veprimtari të tyre kanë ushqimet. Janë duke kryer veprime të kundërligjshme (manipulime me afatet e skadencës se produkteve ushqimore, shitja dhe përpunimi pas afatit te skadimit dhe të ngjashme). Në aksion të përbashkët kontrolli, të ndara në tri grupe (ekipe të përbashkëta) kanë inspektuar, dy lokacione në Regjionin e Mitrovicës. Dy lokacione në regjionin e Prishtinës dhe një lokacion në regjionin e Pejës”.
Ai ka thënë se në fabrikën e përpunimit të mishit “Buquku” në Pejë janë konfiskuar 1550 kg mish dhe produkte të mishit të cilët janë futur në ngrirje të thellë dhe kanë qen të vendosura në qese plastike në të cilat nuk ka pasur kurrfarë deklaracioni mbi origjinën dhe datën e skandecës.
“Ne regjionin e Pejës është kontrolluar fabrika e përpunimit te mishit “ Buqku “. Në të cilin ekipi i kontrollit ka gjetur një sasi prej 1550 kg mish dhe produkte mishit të cilat janë futur në ngrirje të thellë dhe kanë qen të vendosura në qese plastike në të cilat nuk ka pasur kurrfarë deklaracioni mbi origjinën dhe datën e skandecës. Ato menjëherë janë konfiskuar dhe asgjësuar në deponinë e mbeturinave në. Në hapësirat e linjës se përpunimit nuk është vërejtur ndonjë parregullsi”.
Tutje, ai tha se në regjionin e Mitrovicës janë inspektuar dy mishtore të cilat nga subjektit ‘’Apetit’’, njëra në komunën e Vushtrrisë dhe tjetra në komunën e Mitrovicës.
“Inspektorati veterinar gjatë inspektimit ka gjetur dhe asgjësuar një sasi të vogël të mishit dhe produkteve të mishit. Ne sasi prej 69 kg, si dje aty është gjetur një sasi prej 10 kg biber dhe shtesa ushqimore (soj) të cilat kanë qen pa dokumentacion. Ne regjionin e Prishtinës është kontrolluar Depoja e ruajtjes e produkteve ushqimore “Kosomonte Foods “ në të cilën ekipi nuk ka gjetur apo evidentuar ndonjë shkelje. Ndërsa në Restorantin “ Kosomonte” është asgjësuar një sasi e mishit dhe produkteve te mishit prej 7 kg te cilat nuk kane poseduar deklaracion”, ka thënë ai.
Thaçi tha se ndaj subjekteve në cilat janë evidentuar shkelje ligjore do të ndërmerren masa bazuar në legjislacionin në fuqi.
