Kryetari i PDK-së, Kadri Veseli, i cili ishte konfirmuar me koronavirus disa ditë më parë, thotë se është shumë mirë me shëndet.
Veseli tha se mezi pop ret që të rikthehet në aktivitete dhe në punë në PDK.
Postimi:
Të dashur qytetarë,
Ju falënderoj nga zemra për kujdesin dhe mesazhet inkurajuese që po më dërgoni këto ditë gjatë ballafaqimit me covid-19.
Dua të ju informoj se unë jam shumë mirë me shëndet dhe deri në shërim të plotë do të qëndroj në vetizolim.
Mezi po pres të rikthehem në aktivitete dhe shumë punë të mira në Partinë Demokratike të Kosovës.
Ju ftoj të gjithëve që të bëni shumë kujdes, t’i respektoni masat, t’i vendosni maskat, të mbani distancën dhe higjienën!
