Gjatë ditës së djeshme në Qendren Klinike Universitare të Kosovës, pas një mjekimi intensiv me Covid19, ka ndërruar jetë një grua shtatëzënë.
Ardita Pervizaj e lindur më 1991 në Prizren, ishte në pritje për tu bërë nënë, por përkundër përpjekjeve maksimale nga stafi shëndetësor, pas disa ditësh mjekimi ajo ndërroi jetë.
Në ritestimin e datës 17 nëntor, ajo kishte rezultuar negativ, por vazhdonte të kishte gjendje të rënduar shëndetësore.
Vlen të përmendim faktin se gjatë 24 orëve të fundit, në vendin tonë kanë dalë pozitiv me Covid19, 775 persona, derisa 15 persona kanë ndërruar jetë. /IndeksOnline/
Poashtu gjatë 24 orëve të fundit, janë shëruar 553 pacientë derisa numri i përgjithshëm i të shëruarve deri më sot është gjithsej 22. 690 raste, kurse numri i rasteve aktive është 13.375.
