U.d. presidentja e Kosovës, Vjosa Osmani, para pak minutash ka marrë vendim për t’i shfuqizuar katër dekrete për konsuj të përgjithshëm, saktësisht për konsujt e përgjithshëm në Pragë, Lubjanë, Shkup dhe Tiranë.
IndeksOnline mëson se konsujt e shkakuar janë: Flakron Shala, konsull i përgjithshëm në Pragë, Blendi Kilaj konsull i përgjithshëm në Lubljanë, Lindon Kqira në Shkup dhe Halim Krasniqi në Tiranë.
Ky vendim i Osmanit erdhi pas reagimeve të shumta për emërimin e djalit, Flakron Shala, të deputetit Haxhi Shala.
Lidhur me emërimin e Shalës, Hoti sot ishte deklaruar se nuk kishte informata dhe se e kishte marrë vesh nga mediat për këtë.
Mirëpo, në një dokument që ka siguruar IndeksOnline thuhet se dekreti i Presidentit për emërimin e Shalës si Konsull i Përgjithshëm në Çeki, i është dërguar edhe kryeministrit Hoti më datën 20 tetor 2020.
Për shkarkimin e katër konsujve Osmani ka dhënë këtë sqarim:
Sa i përket tri rasteve të para, bazuar në praktikën diplomatike e konsullore, konsullatat e përgjithshme, si rregull, nuk hapen dhe konsujt e përgjithshëm nuk emërohen në të njëjtin qytet ku ndodhet edhe Ambasada. Për më tepër, bazuar në informatat që na janë dërguar, për këta konsuj të përgjithshëm nuk kishte ekzekuaturë/pëlqim nga shteti pritës. Ndërkaq, sa i përket rastit të katërt, atij të konsullit në Tiranë, u.d. Presidentja Osmani ka vendosur ta shfuqizojë dekretin për emërimin e konsullit të përgjithshëm, në përputhje me propozimin e Ministrisë së Punëve të Jashtme, propozim ky i cili nuk ishte marrë për bazë nga Presidenti paraprak./
