Deputeti nga radhët e Lidhjes Demokratike të Kosovës, Avdullah Hoti, ka vazhduar me kritikat e tij ndaj Qeverisë së udhëhequr nga kryeministri Albin Kurti.
Hoti ka thënë se me demagogji nuk mund të qeveriset një shoqëri demokratike. Ndërsa ka thënë se kjo qeveri e ka afër fundin.
“Me demagogji mund të mashtrohen masat për të fituar një palë zgjedhje. Me demagogji mund të mbahet entuziazmi i masave për një kohë të shkurtër. Por me demagogji nuk mund të qeveriset një shoqëri demokratike. Fundin e keni afër”, ka shkruar Hoti.
