Kryetari i Aleancës për Ardhmërinë e Kosovës, Ramush Haradinaj, ka thënë se drafti i statuti të Asociacionit të komunave me shumicë serbe, nuk është i mirë dhe se i njëjti duhet të marrë trajtim serioz nga Gjykata Kushtetuese.
Kreu i AAK-së konsideron se kryeministri Albin Kurti po tenton “ta fsheh marren” që sipas tij, e ka bërë gjatë qeverisjes së tij katërvjeçare. Haradinaj ka thënë se Asociacioni është pranuar nga krerët e shtetit me letrën e dërguar në Këshillin e Evropës.
“Ndoshta ka folur për Albinin se Albini po ja imponon se ai e ka pranuar edhe siç e dimë e ka pranuar krejt sistemi politike i Kosovës atë edhe i shkruan Këshillit të Evropës. Pak a shumë kjo nuk është serioze sjellja e tij, si ajo shprehja ‘as asi as ksi’. Nuk është ashtu, për fat të keq vetë qeveria e kryeministri e kanë pranuar. Është e vërtetë që ky draft nuk është i mirë, pra drafti që kemi sot propozim nga BE-ja nuk është i mirë. Ai meriton trajtim serioz nga Gjykata Kushtetuese. Jemi në zgjedhje dhe don që ta fshehin marren edhe ato që i kanë bërë, gabimet që i kanë bërë që e kanë udhëhequr dialogun. I kanë lutur për shumë kohë Amerika pikërisht Konjufcen, Kurtin e këtë që të japin një propozim nuk e kanë dhënë”, ka thënë ai.
