Të premten është kryer një grabitje në një institucion mikrofinanciar, në rrugën “Gazmend Zajmi” në Prishtinë.
Sipas Policisë së Kosovës dyshohet se një person nën kërcënimin e armës ka grabitur një shumë të parave.
“Pas marrjes së informacionit policia ka dalë në vendngjarje dhe bazuar në informacionet e para, dyshohet se një personi i maskuar nën kërcënim të armës ka grabitur një shumë të parave. Policia ka iniciuar një hetim lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rrethanave të rastit si dhe identifikimin dhe arrestimin e personit të dyshuar”, ka thënë Flora Ahmeti, zëdhënëse e Policisë.
