Gjatë ditës gjobisin qindar qytetarë për mosmbajtje të maskave si masë për mbrojtje nga coronavirusi, por jo të gjithë policët i respektojnë vetë këto masa.
Një qytetar ka fotografuar një zyrtar policor, i cili teksa po i shkruante gjobën për kundërvajtje në trafik, nuk e kishte të vendosur si duhet maskën.
Fotografitë që i gjeni më poshtë janë bërë në Shtërpcë.
Në foto shihet polici që nuk e ka të vendosur si duhet maskën dhe mban në gojë një rrëmojëse.
Gjatë 24 orëve të fundit, Policia ka njoftuar se janë shqiptuar 1,072 gjoba ndaj qytetarëve që nuk i kanë vendosur maskat apo nuk i kanë respektuar masat e tjera për mbrojtje nga COVID-19.
Disa qytetarë janë ankuar në KALLXO.com se janë gjobitur pse nuk e kishin vendosur maskën edhe pse ishin vetë në veturë apo kamion.
Maskat janë obligative në Kosovë. Për mosmbajtjen e tyre gjoba fillon nga 35 euro.
Shifrat e rasteve të reja me COVID-19 në vend janë alarmante. Vetëm sot janë shënuar 281 raste pozitive me këtë sëmundje.
