Në fshatin Mrasor kanë filluar punimet për asfaltimin e rrugës që lidhë këtë fshat me Kpuzin, projekt i cili po realizohen në kuadër të investimeve për përmirësimin e infrastrukturës rrugore.
Për të parë nga afër ecurinë e punimeve, Kryetari i Komunës, Prof. Dr. Zenun Elezaj, i shoqëruar nga bashkëpunëtorë të komunës, kanë qëndruar në Mrasor ku janë pritur nga banorë të këtij fshati.
Kryetari Elezaj ka uruar qytetarët për fillimin e këtij projekti, i cili do të lehtësojë qarkullimin rrugor dhe ka theksuar se projekte të tilla do të realizohen edhe në vitin tjetër në lokalitete të ndryshme, me qëllim të përmirësimit të infrastrukturës rrugore.
Ndërsa qytetarët kanë falënderuar kryetarin për realizimin e këtij projekti, që sipas tyre është shumë i rëndësishëm për banorët e këtyre fshatrave dhe shton sigurinë në qarkullim.
Asfaltimi i kësaj rruge me një gjatësi prej 3917 metra dhe i cili financohet nga Ministria e Infrastrukturës, ka një vlerë buxhetore prej 298 634 euro, ndërsa afati kohor për përfundimin e punimeve është 90 ditë pune.
