Një nga projektet më të përmendura në infrastrukturën e Kosovës padyshim që është rruga që Kijevë-Zahaq.
Katër muaj pas hapjes së tenderit nga Ministria e Infrastrukturës, gjërat po shkojn drejt finalizimit.
Burime të Indeksonline bëjnë të ditur se pas festës së Bajrami pritet që të shpallen fituesit e kësaj rruge të rëndësie të veçantë.
“Fituesit do të shpallen pas pak ditësh, ndërsa punimet pritet të nisin pas pak javësh. Projekti do të nis në verë ndërsa do të mbarojë në fund të vitit të ardhshëm”, ka thënë një burim i sigurt për Indeksonline.
Një buxhet prej 32 milionë eurosh është planifikuar nga Ministria e Infrastrukturës për përfundimin e projektit.
Nisja e punimeve nuk pritet të ndikj aspak në krijimin e kolonave apo pengesave të tjera në komunikacion ngase punimet do të bëhen në një zonë të re joqarkulluese./Indeksonline/
