Policia në Prizren ka arrestuar një person si të dyshuar për vjedhje. Hajni është i njohur tashmë për organet e rendit dhe se kërkohej me dy urdhërarreste, raporton Sinjali.
Sinjali mësoi se i arrestuari është Menderes Kadri i dyshuar për shumë vepra penale, njëra nga to edhe vjedhja në shtëpinë e një zyrtari të AKI-së gjatë këtij viti.
Sinjali kishte raportuar në fillim të muajit mars të vitit 2024 se 33 vjeçari, Kadri u zbulua nga Policia në Prizren një ditë pasi kreu vjedhje në shtëpinë e zyrtarit të AKI-së.
Për rastin kishte raportuar ekskluzivisht Gazeta Sinjali, e cila kishte zbuluar se Kadri në shtëpinë e zyrtarit të AKI-së kishte vjedhur armën zyrtare të tij bashkë me një çantë.
Kadri dyshohet edhe për disa vjedhje të tjera, të kryera kryesisht në rajonin e Prizrenit dhe se tashmë është ndaluar edhe pritet të intervistohet nga Policia.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
