Ekonomisti austriak që u ndalua të hyjë në Serbi, publikon foto duke pirë makiato në Prishtinë

Ekonomisti austriak, Gunther Fehlinger, që u para disa ditësh nuk u lejua të futet në Serbi ka postuar një fotografi duke pirë makiato në Kosovë.

“E dua Kosovën”, ka shkruar Fehlinger në fotografinë e tij nga sheshi i Prishtinës duke pirë makiato.

Fehlinger i cili shkroi se nuk është lejuar të futet në Serbi vetëm pse është kritik i Vuçiqit i ka kërkuar BE-së që t’ia heq statusin e kandidatit Serbisë.

“Nëse nuk më lejon të hyjë në Serbi, si qytetar austriak dhe qytetar i BE-së, vetëm pse e kritikoj politikën tënde pro-ruse dhe mungesën e vullentit tuaj evropian për paqen, më bën me dije që Serbia nuk është gati për statusin e kandidatit në BE dhe ky status duhet të tërhiqet tani”, ka shkruar Fehlinger.