Duket një ambicje që e kalon imagjinatën për Shqipërinë, por kryeministri Edi Rama thotë se ky ka qenë qëllimi i ministrisë së re që krijoi në drejtimin e Blendi Gonxhes.
Sot nga Lezha ai tha se se qeveria do të krijojë një shoqëri aksionare për prodhim automjetesh për nevojat e shtetit dhe pse jo për eksport.
“Transporti i mësuesve dhe fëmijëve jemi në finalizim dhe besoj do ta dëgjoni në dy tre muajt në vijim për rikrijimin e një Shoqërie aksionare për prodhimin e automjeteve për nevojat e shtetit dhe natyrisht edhe për eksport. Është një projekt shumë i bukur që do të na japë mundësinë të plotësojmë nevojat e MSH-së, MB dhe transportin e mësuesve. Duke u bazuar tek një vajzë shqiptare e cila krijon autoambulancat”, tha Rama.
